অসম

চুলাই মদৰ ঘাটি বন্ধৰ দাবীত মাৰ্ঘেৰিটা মহকুমাধিপতিক স্মাৰক পত্ৰ প্ৰদান আটছা’ৰ, আন্দোলনৰ হুংকাৰ

সংবাদদাতা, মাৰ্ঘেৰিটা:- অসম চাহ জনজনাতি ছাত্ৰ সন্থা আটছাৰ মাৰ্ঘেৰিটা শাখাই আজি মাৰ্ঘেৰিটা মহকুমাধিপতিক মাৰ্ঘেৰিটা মহকুমা অন্তৰ্গত চাহ বাগিচ আৰু ইয়াৰ উপকণ্ঠ অঞ্চল সমূহত কাঠফুলাৰ দৰে গঢ় লৈ উঠা অবৈধ চুলাই মদৰ ঘাটী সমূহ বন্ধ কৰাৰ দাবীত এখন স্মাৰক পত্ৰ প্ৰদান কৰে। জাগুন, লেখাপানী, লিডু, বৰগোলাই, ডিবং, বনগাওঁ‌, নামদাং, লালগোল্লাই, আদিৰ উপৰিও চাহ বাগিচ অঞ্চল সমূহত ব্যাপক ৰূপত বিষাক্ত চুলাই মদৰ বেহা চলি আহিছে যদিও আবকাৰী বিভাগ কুম্ভকৰ্ণ নিদ্ৰাত থকাৰ অভিযোগ তুলিছে আটছায়। অনতিপলমে চুলাই মদৰ ঘাটি সমূহ চিনাক্ত কৰি আবকাৰী বিভাগক অভিযান চলাবলৈ দাবী জনাইছে অন্যথা আটছাই গণতান্ত্ৰিক আন্দোলন কৰিবলৈ বাধ্য হ’ব বুলি হুংকাৰ প্ৰদান কৰে। উল্লেখ যে চুলাই মদৰ প্ৰতি আসক্ত হৈ চাহ বাগিছা অঞ্চলৰ লগতে অন্যান্য প্ৰান্ততেত বিভিন্নজনে প্ৰাণহেৰুৱাব লগা হোৱাৰ লগতে গ্ৰাহস্থ্যা অশান্তিৰ সৃষ্টি হৈ আহিছে। আবকাৰী বিভাগৰ একাংশ ধুৰন্ধৰ বিষয়া কৰ্মচাৰী অবৈধ চুলাই মদ বেপাৰীৰ পকেটৰ গোলাম হোৱাৰো অভিযোগ উঠিছে। এইক্ষেত্ৰত মহকুমাধিপতিক কঠোৰ ব্যৱস্থা গ্ৰহণ কৰিবলৈ দাবী তুলিছে আটছায়।

Show More

Leave a Reply

Your email address will not be published.

Back to top button